VESTLAND FYLKESKOMMUNE OPPLÆRING OG KOMPETANSE

Tilbod på SJH 2020 Tilrettelagt arbeid for menneske som har nedsett funksjonsevne. Arbeidstrening for vaksne innan helse og psykiatri. Inn på tunet SJH, har som mål å betre fysisk og psykisk helse gjennom variert praktisk arbeid og aktivitetar på skulegardsbruket. Det er fokus på meistring, utvikling og trivsel i eit sosialt fellesskap på skulegardsbruket. Tilboda er tilrettelagt den enkelte brukar og kvalitetssikra. Ein følgjer årstida på garden og arbeidar i ulike delar av gardsdrifta på SJH: Hagebruk, gartneri, fjøs, eldhus/kjøken, kompostplass, verkstad, utmark m. m. Brukarane av IPT arbeidar side ved side med sin arbeidsleiar, og får meir og meir sjølvstendige arbeidsoppgåver og ansvar. IPT har eige hus på garden, det gamle «Kommunehuset», som møtestad og for å gjere ulike aktivitetar innandørs: Matlaging, kunst, handtverk og undervisning. Det er mogleg å kjøpe middag i kantina.